又係母校情結

近來training比較悠閒。今日同一班同事去上整蛋糕class，對於一個只識煮公仔麵既人來講，無疑係瘋狂兼浪費金錢之行為。終於在導師協助下，本人製成士多啤梨蛋糕一個，拿返屋企孝敬父母。

下午一支公回去King's，因為係八十週年校友重聚日80th Anniversary Homecoming Day。個名好堅，不過參加者只有小貓三兩隻，可能老師仲多，瘀爆。不過家下做教師已經好辛苦，無謂再強求佢地搞呢樣果樣。梁sir在校長口窒窒講開場白之際來到，一d舊生立即笑晒衝過去寒暄，贏晒。