And the new Season Opens!!!

至愛chicago在season opening客場大勝上屆總冠軍miami，仲要全隊有波入，開心丫。miami斷估未上力，不過今季chicago亦係時候go go go啦下話。

今時今日的chicago bulls係一隊令人滿懷希望既球隊，相較michael jordan時期的君臨天下屈機姿態，加陪的值得支持。john paxson幾年來的改造，令球隊年青，充滿活力和talent。換走eddy curry同tyson chandler，膽大心細，厲害。連續幾年draft到好野(尤其係nocioni同chris duhon)又請到好教練，証明領導層有vision又有做research。今年又有lottery pick同高質外援，yoohoo。芝加哥既民眾真係要開心到碌地，隊波已經完全走出post jordan時代既陰霾，仲愈來愈勁果野另人興奮。

又要講kirk hinrich。係美國nba live 2004電視個廣告一見呢位朋友，就開始留意。又型又好波又有leadership，場外仲成個藝術家樣，憂鬱到痺。女子做趁beckham開始收皮，不妨亦留意留意。

Halloween and Johnnie To

首度參與海洋公園哈囉喂，場面熱鬧，中西交匯恰到好處，好玩。纜車之上，偶聞粗口之聲山間迴蕩，眾人大樂。畢竟，這才是我心目中的香港。迪士尼是太天真無邪啦。

***

終於看了放.逐，片子showcase成份甚高，但仍很有味道。正。

有時會想，在今日，我們就只可以在杜琪峰的電影內感覺這個城市的masculinity。可不是麼，近年雜誌電視上的男明星大都類似kenny啤梨李逸朗，或極需大姐姐送贈愛的側田。相較，鄭中基已是勁man了，吹唔吹脹。即使在精英雲集的中環，高大威猛的金融才俊之數目亦漸不如面色慘白著緊身cheap西裝加勁多logo的patrick cox斜揹袋之男性。香港女性在這樣缺乏選擇的環境，還得遭日花過多時間巡邏各網上discussion group的電車男標籤為港女不斷攻訐，真有欠公平。

寂寞

欠缺自律能力的我，很易感到寂寞。或許是因為秋季來了。

a day to remember!!!

yes!!! 有人即興發起，五個工作性質和office位置都九唔答八既中學同學食左餐開心既晏仔。

(甚麼故事)晨早榮耀

閒來揭揭英倫嬌雜誌，讀者嚴選史上百大金曲此碟竟獨佔三首，分別為不要憤怒地回望、神奇牆和香檳掃把怒蛙。立即把此專輯重溫一次，啊，綠州合唱團，真是無可否認係一代搖滾王者。